رساله قلبت لي حياتي

قاعد فى الشغل ومندمج فى الشغل وفجأه جت رساله لى على التليفون مضمونها لو سمحت انا عم عماد جارك اللى فى الشىقه اللى جنبكم وباستأذنك توطوا صوتكم شويه انت والمدام صوت ضحكم عالى وعبيب كده انا عندى بنات اتفاجئت دا ايه الكلام ده دا انا فى مأمورية فى محافظه تانيه فى الشغل و ريم مراتى اتفقت معايا انها هتروح تقعد مع والدتها الكام يوم اللى هكون فيهم فى المأموريه فقولت اكيد الرساله دى جت لى بالغلط بس لقيت الرقم فعلا على التروكلر باسم جاري وبعدها بشويه وصلت لى رساله تانى يا استاذ حسام مش كده ايه قلة الزوق دى

جن چنوني وسبت كل اللى فى ايدى وقومت جري راجع لشىقتى وانا بالطريق اتصلت على ريم مراتي
ريم ايوه ياحسام خير
لا ابدا مافيش بتطمن عليكى انتى فين كده
ريم انا فى البيت عند والدتى اشمعنا
لا ابدا بسأل عادى لو والدتك جنبك ادينى اسلم عليها بدل ما تزعل
ريم لا للاسف هى فى حمام بتاخد شاور مش هينفع تكلمها دلوقتى واخويا نزل من بدري وبابا فى الشعل وانا قاعده لوحدي المهم انت كويس
اه اه الحمدلله
ريم راجع امتى
يعنى يومين كده

مابقتش عارف اعمل ايه طب اتصل على الرقم بتاع جاري ده اللى كلمنى منه وافهم منه
ورجعت قولت لنفسي انا هشوشر على نفسي ليه انا اروح الاول واتأكد بنفسي
وصلت عند الشىقه وطلعت المفتاح وفتحت الباب بهدوء ودخلت متسحب وفى ترقب ولكن لم أجد احد بالشىقه اتجهت لغرفة النىوم فى ترقب وفتحت الباب ولكن لم أجد احد ايضا بحثت فى الشىقه بالكامل لا يوجد أحد
استغربت امال ايه حكاية الرساله دى ما انا لازم افهم
فكرة وقررت اتجه لشىقة جاري وخبطت على الباب واول ما فتح وضعت التليفون فى وجهه وقولت له اقدر اعرف ايه الرساله دى
نظر عم عماد فى التليفون وقال ما بردو انت اللى غلطان فى حد يهزر ويضحك بالاستهتار ده ومافيش اى مراعيه للجار

وبناته ازاى بناتى يسمعوا الكلام الفارغ ده عبيب يا استاذ عبيب
قولت له انت مچنون ياعم انت الشىقه فاضيه ومفهاش حد لا
انا ولا زوجتى انت هتجننى
عمادلا يااستاذ وقت ما بعت ليك الرساله كنتم فى الشىقه وصوتكم ودلعكم ملعلع
وخرجت زوجته لما صوتى علي وقالت ايوه يا استاذ حسام صوتكم كان عالي اوى وعبيب كده بصراحه
قولتلهم انتم هتجننونى بقولكم مافيش حد فى الشىقه انا كنت فى شغل وجيت لما حضرتك بعت الرساله وزوجتى عند والدتها
هيجى منين صوت الضحك اللى بتقولوا عليه
عماد وهو بيقفل الباب احنا عارفين بقى جيه منين هو فى جيران لينا غيركم شوف انت بقى الصوت جه منين بعد اذنك وقفل الباب
كلمت نفسي وقولت ايه اللى شوف انت بقى دي يقصد ايه الراجل المخبول ده

اتجهت وانا فى اشد چنوني لزوجتي

عند والدتها
ورنيت جرس الباب فتحت زوجتى ريم
ريم حسام ايه ده انت جيت امتى انا مش لسه قافله معاك من كام ساعه وقولت لى انك لسه أمامك كام يوم ايه اللى حصل
رديت وقولت لا ابدا حسيت انك وحشتينى قومت سبت الشغل وجيت فيها حاجه دى
والدتها كانت قاعده لا ياحبيبي مافهاش تعالى ادخل وانت اخبارك ايه اقعد مالك وشك متغير ومتضايق كده ليه فى حاجه حصلت فى الشغل ولا ايه
رديت لا مافيش حاجه حصلت فى الشغل انا كويس

والدتها ادخلى ياريم حضري لجوزك غدا اكيد جعان ما راجع من سفر
ريم باستغراب وعدم ارتياح لشكل حسام حاضر ياماما
دخلت ريم للمطبخ
نظرت لحماتي وقولت كنت كلمت ريم من كام ساعه وقولت ليها ادينى حماتى اسلم عليها بس قالت هى مش معايا دلوقتى
حماتى اه ما هى قالت لى اصل كنت باخد شاور
رديت اه انا افتكرت انها كانت نزلت ورجعت الشىقه ولا حاجه
حماتى لا منزلتش النهارده
استغربت امال مين اللى كان فى الشىقه ولا حماتى بتدراى عليا وماردتش تقول لى ان ريم نزلت عشان ريم ما قلتش لى

انا هتجنن مين
اللى كان فى الشىقه تكونش الشىقه مسىكونه
ورجعت قولت لنفسي ايه التخاريف اللى بقولها دى
طب يكونش الجيران دول مجانين وبيخرفوا
بس معقوله الراجل ومراته بيخرفوا مع بعض
ياربي انا هتجنن
المهم بعد ما اتغديت ريم قالت لى انا جاهزه يالا على شىقتنا
والدتها مستعجلين
على ايه ما انتوا قاعدين حتى استنوا لما ابوكى يرجع وحسام يسلم عليه
ريم معلش ياماما حسام راجع من سفر زي ما انتى عارفه وعاوز يستريح
والدتها ماشي ياحبيبتى براحتكم

وفعلا قومنا رجعنا على شىقتنا وريم طول الطريق تكلم فيا وانا فى دنيا تانيه خالص ومش معاها
وعدى كام يوم وانا الامر ده هيجنني لدرجة انى شكيت فى ريم
وقررت اتأكد فبعد كام يوم قولت ليها معلش ياريم ياحبيبتى انتى عارفه انى رجعت من غير ما أكمل المأموريه اعمل ايه كنتى وحشتينى فا انا هرجع اسافر يومين او ثلاثه اكمل المأموريه وراجع علطول
ريم ماشي ياحبيبي روح شوف شغلك بس انا زي ما انت عارف مابحبش اقعد فى الشىقه لوحدى فهروح اقعد برضو عند ماما لحد ماترجع

وطبعا انا لا كنت مسافر ولا حاجه انا كنت هنزل كأنى مسافر وهراقب الشىقه من بعيد وفعلا نزلت تانى يوم الصبح على انى مسافر واتجهت لمكان اقدر اشوف فيه الشىقه من بعيد وفى نفس الوقت متدارى
وفضلت قاعد منظر اي شيء غريب لكن اتفاجئت ان ريم نازله فعلا زي ما قالت بس قولت لنفسي افضل قاعد يمكن رايحه مشوار وراجعه تانى
وفضلت ملطوع فى الشارع اكثر من أربع ساعات لحد ما صىعقټ من اللى شوفته