سر المقفولة

النهاردة أنا بايته عند أختي المتجوزة والجو في البيت كان هادي جدا بس اللي حصل غير كل حاجة. نزلت أشرب ميه في نص الليل والدنيا ساكنة وسمعت همس جاي من المطبخ. قربت بهدوء وقلبي دق بسرعة عشان الصوت كان لحماة أختي وبنتها وهما بيتكلموا بصوت واطي.

قالت الأم
يا بنتي خبيتي المفتاح بتاع الأوضة اللي فوق فين
ردت البنت
حطيته جوا علبة الشاي ملفوف بكيس في دولاب المطبخ زي ما قولتيلي.
خدي بالك محدش يكون شافك وانتي داخلة الأوىضة!
لأ يا ماما محدش شافني متخافيش.
قلبي اتنفض وفضلت واقفة مكاني مش مصدقة اللي بسمعه. رجعت فوق وانا في دماغي ألف سؤال. دخلت لأختي وسألتها

هو الأوىضة اللي في الدور اللي فوق دي فيها إيه
قالتلي
والله ما أعرف من يوم ما اتجوزت وهم مش راضيين يقولوا حتى جوزي حاول يدخلها كذا مرة بس المفتاح مش لاقيه.
في اللحظة دي قررت ما أقولهاش إن المفتاح فين وقلت لنفسي أروح أشوف السر بنفسي خصوصا إن كلهم نايمين في الدور الأول والأوضة دي في الدور اللي فوق.
طلعت بهدوء وقلبي بيخبط كأني عملت حريمة وجسمي كان مرعىوب كأني داخلة مغارة مش أوىضة. وصلت للباب وطلعت المفتاح من مكانه وركبته في الباب… ولسه هشغل النور لقيت صوت بيقوللي
انتي بتعملي إيه هنا

كانت أخت جوز أختي! اتفىزعت وبسرعة قلتلها
أصل النور بيقىطع كتير وكنت بدور على كشاف.
زعىقتلي وقالتلي
مش المفروض تستأذني قبل ما تدخلي أي أوىضة مش بتاعتك!
الصوت عالي وكل اللي في البيت صحوا. أختي نزلت وقالتلي
في إيه بتزعقوا ليه
غمزتلها بسرعة عشان تفهم الموقف وقلت
زي ما قولتيلي بدور على كشاف

والنور قطع تاني.
قالتلي
الكشاف مش هنا والأوىضة دي محدش بيدخلها وحتى أنا معرفش ليه!
حماة أختي دخلت وسط الكلام وقالتلي
انتي ضيفة هنا وعيب اللي بتعمليه ده!
كنت هتجنن بس ابنها قال كلمة خلتني أحس إن لسه فيه عقل ف البيت
لأ دي مش ضيفة دي أخت مراتي يعني من أهل البيت!
بس الشملولة بنتها ما سكتتش وقالتله
إزاي تتكلم مع أمك كده

كان باين جدا إنهم مش عاوزيني أجي البيت تاني. قررت أهدي الدنيا واعتذرتلهم وقلت
والله ما كان قصدي حاجة أنا بس فعلا مش بقدر أكون في الضلمة عشان عندي ضيق نفس.
بس البنت بصتلي بنظرات كلها حقد. وبعد ما ناموا رجعت المفتاح لمكانه في المطبخ.
تاني يوم حصلت المفاجأة. البنت راحت لجوز أختي وقالتله
هي فتحت الأوىضة إزاي جابت المفتاح منين دي بتتحىشر في اللي مالهاش فيه!
جوز أختي جري عليا وقاللي
انتي فعلا فتحتي الأوضة
قلتلهم

والله كانت مفتوحة مسكت الأوكره لقيتها فتحت!
حماة أختي قالت لبنتها
آه يمكن فعلا أنا اللي نسيت أقفل الباب بالمفتاح آخر مرة!
الموضوع عدى بس أنا وأختي كنا متأكدين إن فيه سر كبير خصوصا إن شكلهم اتوتر جدا. أختي قالتلي
الفضول هيقتلني بس لازم نتصرف بحكمة. نفتح الأوىضة لما نكون لوحدنا في البيت.
قلت لها
المفتاح غالبا غيروه. بس أنا عندي خطة!
عدى اليوم والفضول عندي وعند أختي وصل للسماء. بقينا قاعدين نرسم خطط ونفكر نفتح الأوضة إزاي من غير ما حد ياخد باله.
جاتلي فكرة وقلت لأختي