أخطر نصاب .. ما فعله فى الشباب لن يستطيع أن يفعله حتى الشيطان بنفسه
فى قرية النخيل بمدينة سوهاج عام 2018..
كان يوم جمعة والجو حر والناس فى المسجد منتظرين الصلاة.. توقفت سيارة فارهة والسواق جرى وفتح الباب ونزل شخص يرتدى ملابس فاخرة ويضع العطور يرتدى نظارة شمسية.. دخل المسجد وقعد فى وسط المصليين… العين كانت عليه
مين ده؟
قرية فقيرة واول مره تدخل عربية حديثة وحد غنى.. هو لاحظ ان الناس مركزة معاه
المهم الخطبة بدأت وبعد الخطبة الصلاة.. خلصت الصلاة قام صاحبنا وراح على المنبر يتحدث..
انا اخوكم ابو عبد الله مدير اعمال الشيخ حمد من الإمارات الراجل كلفنى اشوف القرى الأكثر فقرا ويتبرع لهم وانا لفيت كتير وملقتش أفقر من القرية دى عشان كده ده مبلغ بسيط… قوم يا حسام هات الشنطة
يجرى السواق يفتح السيارة ويحضر الشنطة ويعطيها له
ده مبلغ خمسين الف جنيه (فى ٢٠١٨ كان مبلغ كبير) لتطوير المسجد وشراء اى شئ ناقصه.. ترشحوا مين عنده أمانة يستلم المبلغ..
الناس كلها اجمعت على شيخ المسجد
صعد شيخ المسجد واستلم الشنطة وهو بيقبل الراجل الطيب ويبلغه يبلغ شكر الناس للشيخ حمد..
ابو عبدالله انصرف والناس ماشية وراه ومنبهرة بيه
تانى جمعة وصل الشيخ أبو عبدالله ونفس اللى حصل بعد الصلاة ذهب للمنبر
انا شايف سجاد جديد في المسجد ومرواح ونجف وماشالله المسجد بقا عظمة وانا صورت المسجد قبل التطوير وبعد التطوير وبعت للشيخ حمد على الواتس والراجل انبهر وقالى عاوز المساجد في القرى تكون زى مساجد الرياض.. عشان كده فى مبلغ تانى اتبرع بيه.. قوم يا ابنى هات الشنطة
السواق يجرى يجيب الشنطة
دول عشرين ألف جنيه تكملوا تطوير المسجد وانا هادى الشيخ عرفان رقمى الشخصى عشان لو فى أرامل او أيتام فى القرية نساعدهم وده كله من فضل الله
الناس كانت فرحانة ومنبهرة بابو عبدالله وفضلوا يدعوا له على الخير اللى بيقدمه للقرية… وهو خارج من المسجد الناس اتجمعت عليه
والنبي يا شيخ ابو عبدالله ابنى معاه دبلوم ونفسه يسافر الخليج
= وانا ابنى معاه دبلوم زراعة ونفسه يزرع فى دبي..
وانا.. وانا.. وانا
: يا جماعة اهدوا انا هاكلم الشيخ حمد أعرض عليه الموضوع وربنا ييسر الأمور باذن الله تعالى…
انصرف ابو عبدالله ويوم الخميس كلم شيخ المسجد
قول لأهل القرية يبشروا الاخبار الحلوة جت
الشيخ حمد هيعمل مزرعة كبيرة عند برج خليفة ومحتاج شباب تشتغل كل شاب عاوز يسافر يحضر الباسبور ومبلغ خمس تلاف جنيه تمن بس تذكرة الطيران والعقد والتأشيرة والكشف الطبي كل ده على الشيخ حمد
وانتشر الخبر كالهشيم فى النار والشباب واقفة طوابير تعمل الباسبور وكل اب بيحضر الفلوس اللى يبيع دهب مراته واللى يستلف واللى يبيع خروف والقرى المجاورة سمعت الخبر وابتدوا يحضروا هما كمان
بيقولك مزرعة يعنى عاوزين عمال كتير أجرى يا واد بيع الطشت النحاس
وصل الشيخ أبو عبدالله ووجد مجاميع من البشر.. دخل المسجد وطلب من السواق يجيب شنطة العقود… المسجد مليان وبره المسجد طوابير من الشباب
وزع الف عقد والاعداد لسه كتير.. طلب مهلة للأسبوع القادم يجيب بقية العقود ونفس الأمر تكرر طوابير ملهاش عدد ووزع 5000 عقد عمل موثق ومختوم وجمع مبلغ 25 مليون جنيه
الشباب تحضر نفسها انا خدت جوازات السفر عشان تتختم فى السفارة اسبوعين او تلاتة بالكتير وهاجى ومعايا تذاكر الطيران والجوازات مختومة.. اهم شي الشباب تذاكر على طرق الزراعة الحديثة ويركزوا قوى على الكاكا لأنها مطلوبة جدا فى دبي
انصرف الشيخ أبو عبدالله ومر اسبوع واتنين وتلاته ومفيش حس ولا خبر..
الناس جرت على شيخ الجامع
– اتصل بيه يا مولانا شوف اتأخر ليه
الشيخ اتصل على الموبايل
الرقم الذى تحاول الاتصال به مغلق
يعنى ايه مقفول يا مولانا؟
جايز يا جماعة بيصلى قيام الليل انتم عارفينه راجل زاهد..
مر كمان اسبوع والرقم مغلق..
الناس قالت لا مبهداش وجروا على مديرية الأمن وقابلوا مدير الأمن
الراجل هدا الناس وابتدا يعمل التحريات
فى طفل لقط نمرة السيارة
كويس معلومه فى منتهى الأهمية
لقوا الأرقام مزورة مفيش ارقام بشكل ده
بحثوا فى الرقم بتاعه.. متسجل بأسم ام سعاد الداية وهى اساسا ماتت…
مفيش اى ثغرة يا جماعة؟
العقود مزورة باحترافية حتى العلامة المائية موجوده والاختام..
لحد ما طفل تانى قال انه لقا الظرف ده وهو بيطلع منه العقود.. ودى كانت الثغرة
الظرف مكتوب عليه اسم مطبعة فى القاهرة.. اتحركت قوة بالتنسيق مع مباحث القاهرة بقيادة العميد اشرف
راحوا المطبعة وأكد انه فعلا طبع عقود العمل وقال إن السواق هو اللى كان بيتعامل معاه… قبضوا على السواق طلع شاب بسيط كان بيدور علي فرصة عمل وابو عبدالله كتر خيره شغله بمبلغ كبير وبعد كده قاله خلاص
تعرف بيته؟
ايوة اعرفه
راحوا على البيت.. عمارة كويسه وعملوا كمين بعيد عن العمارة لغاية ما السواق صرخ
هو ده اللي داخل العمارة
المباحث جرت دخلت العمارة وكان في عنصر بيراقب من فوق دلهم على مكان الشقه طرقوا الباب مفيش حد
فتحوا الشقة (طبعا كانوا واخدين اذن النيابة) مفيش حد في الشقة
فتشوا فى كل حته في الشقة مش موجود.. فص ملح وداب
ايه يا جماعه احنا بنطارد عفريت؟
تخيل فككوا الدولاب وبقوا يخبطوا على السقف.. خلعوا السرير.. مفيش حد
الظباط اول مره يشوفوا حاجة زى كده
يا ترى ايه سر النصاب دا وازاي اختفى وقدر يهرب من الشرطه وايه مصيره..
مش هتتخيلوا طلع مين الشخص دا وأزاى هرب
لمعرفة باقي تفاصيل القصه المثيرة سيب لايك وكومنت ولا تنسى الصلاة والسلام على رسول الله
