سر الأميرة ديانا والطبيب الباكستانى
الراجل اللي في الصورة دا اسمه حسنات أحمد خان. الأميرة ديانا كانت تقول عليه حب حياتها.
حسنات جرّاح قلب شق طريقه من اقليم بنجاب في باكستان اللي اتولد فيه الى مستشفى رويال برومبتون بلندن اللي قابل فيه الأميرة ديانا لأول مرة في 1995 بعد سنتين من انفصالها من الأمير تشارلز.
ارتبطوا خلال اسبوعين من اللقاء الأول واستمرت علا.قتهم سنتين وانتهت في 1997 قبل شهور قليله من وفـ,ـاتها الصادمة.Start slideshow
كانت على طول تتكلم عنه بأسلوب المراهقة اللي وقعت في دباديب الغرام، وتناديه Mr. Wonderful، وتدلعه DDG اختصار “Drop Dead Gorgeous” وترجمتها غير الحرفية “الفاتن أو الجذاب بشكل قـ,ـاتل” وتتدايق لما ينشغل وميتصلش عليها وتجري تروحله المستشفى لدرجة ان الموظفين والدكاتره اتعودو يشوفوا ديانا تستناه بالساعة والاتنين والتلاته عشان يخلص العمليه اللي بيعملها ويقعد يتغدى معاها جوا المستشفى بما ان زحمة جدوله متسمحش ليه يخرجها مطعم.
زياراتها تحوّلت مع الوقت الى مصدر ازعاج وضيق لادارة المستشفى بسبب الاجراءات الامنية الكتير اللي لازم تتم مع كل زيارة. في النهاية دى برضه الأميرة ديانا ولازم يبقى فيه تأمين وسكيوريتي ومرافقين وغيرها من الحاجات اللي تضغطهم.
كان حسنات وقتها في بداية حياته العملية كجـ,ـراح، مرتبه مش أد كدا، عايش في شقه صغيرة من اوضه واحده، ويشتغل 90 ساعه فالاسبوع، حرفيا يا دوب يلاقي وقت يأكل وينام، بس ديانا اقتحمت حياته زي القطر السريع اللي يصد.مك ويخرجك عن مسارك.
حسب كلام صحباتها اعتادت لما ولادها يبقوا فالمدرسة الداخليه تسيب قصر كيننجستون اللي كانت عايشه فيه بعد الطـ,ـلاق عشان تقضي أيام في شقـ.ٕته المتواضعه وكانت تستمتع باختلاف الحياه بين حياتها فالقصر وحياتها في شقته وتنبهر بالتفاصيل العاديه وتحكي لصحباتها انها غسلت المواعين وطبقت الهدو.م بنفسها.
قالت للمقربين منها انه الـsoulmate بتاعها (رفيق الروح) وانها هتتجوزه وتخلف منه بنت شبهه.
