سر الأميرة ديانا والطبيب الباكستانى
كانت جادة في رغبتها بالجواز منه لدرجة انها عرفّته على ولادها ويليام وهاري وعلى صحباتها وبعض المقربين منها وقاطعت أمها شهور طويلة عشان رفضت تتقبل العلاقة.
ديانا كمان زارت أهل حسنات في باكستان وهي لابسه الهدوم التقليدية للستات في بلده وباست ايد جدته ناني أبا لما قالها انها رأس عيلته.
بس كمان لم تخلو العلا.قه من المشـ,ـاكل.
واحده من أشهر مشاكلهم اللي اتكلم عنها اكتر من حد من المقربين حصلت لما العـ,ـلاقه اتعرفت فالميديا وابتدت ملاحقه الاتنين لدرجة ان الكاميرات والصحافيين كانوا يقعدوا بالايام قدام المستشفى في انتظار دخوله أو خروجه. كانت ديانا تعرف أد ايه حسنات يكره الميديا وفي محاولة منها تخلصه من الضغط دا أنكرت العلاقه. مقالتش حتى الرد المعتاد بتاع “احنا صحاب فقط”. أنكرت تماما وجود اي حاجه بينهم. كان فاضل بس تقول (مين حسنات ده؟ ولا اعرفه). حسنات زعل. انكارها له بالطريقة دى جرح كبرياءه وحسسه انها شايفاه مش أد المقام ومش حابه العالم يربطوها بيه بأي شكل، فقط/ع التواصل معاها مرة واحده. ديانا كانت هتتجنن.
واحده من صحباتها قالت اتصلت عليا وهي تعيط وتقول 5 ايام معرفش عنه حاجه وبروحله الشقه والمستشفى مش بلاقيه ومش بيرد عليا ولا عايز يكلمني “مش عارفه اتعامل معاه ازاي. يقولي مش بحب الميديا ويقعد يتأفف ويشتكي بس لما انكرت العلاقه عشان يسيبوه في حاله زعل”.
اخر حاجه بعتتله خادمها الخاص بول بوريل اللي قعد معاه وشرحله موقف ديانا وانها كانت عايزه تنقذه من ضغط الاعلام. حسنات اقتنع واعتذر من ديانا ورجعوا لبعض.
تكررت قعدات بول مع حسنات بعد كدا وقت خناقاتهم. كان ديما يحاول يقرب وجهات النظر ويلعب دور الوسيط بينهم بدون ما ينحاز لأي واحد منهم. بول دا اللي ياما قدّم نفسه للاعلام بعد وفاة ديانا باعتباره كاتم أسرارها من اكتر الناس اللي اتكلموا ووثقوا تفاصيل العلاقه للميديا بعد وفا.تها لدرجة انه كتب كتاب عنهم.
حسب كلام حسنات وكلام ديانا نفسها هي اللي انفصلت عنه، والقرار كان قرارها. بس بول بوريل وآخرين قالوا انه هوا اللي مسابش ليها خيار تاني. قالها يا انا يا الميديا. طلب منها المستحيل مع انه عارف ان الميديا هتفضل جزء من حياتها مش بس لأنها أم الأميرين ويليام وهاري وطليقة ولي العهد لكن كمان لأنها أكثر أميرة محبوبة في العالم كله.
الميديا اللي كانت تعش/ق حاجه اسمها ديانا وكانت في يوم من الأيام السـ,ـلاح اللي استخدمته في ح//ربها ضد تشارلز والأسرة الملكية كانت كمان سبب تعاستها وربما في م\وتها لو سلمنا ان الحا/دثة تسبب بها ملاحقة الباباتارازي والمصورين ليها هي ودودي الفايد.
انفصلت عن حسنات وبعد 6 أيام بالضبط سافرت باريس مع دودي الفايد وابتدت علا.قتهم. المقربين منها اتقسموا نصين، النص الاول اعتبروا دودي rebound حاولت تنسى بيه حسنات والنص التاني قالوا انها كانت تحاول تثير غيرته. في كل الاحوال لم تستمر القصة طويلا. م\اتت مع دودي في ظرف شهور قليله.
اللي يهمني من القصه كلها هو موقف حسنات خان بعد وفاتها. الراجل دا التزم الصمت لأكثر من 28 سنة. كل المقربين من ديانا ومنه تاجروا بكل تفصيلة من العلا.قة كانوا يعرفوها، صحباتها وقريباتها والمساعدين بتوعها وحتى أهله اللي اتكلموا وسردوا تفاصيل زيارات ديانا ليهم..
هو الوحيد اللي متكلمش.
رفض عروض بمبالغ خيالية عشان يطلع في افلام وثائقية أو يكتب كتاب عن علاقتهم. قال لاحدى الصحافيات اللي عرضت عليه مبلغ يصل للملايين مقابل انترفيو واحد لمدة 30 دقيقة عالتلفزيون: “أنا متكلمتش عنها في حياتها ومش هجي اتكلم عنها وهي مـ.ـيتة”.
المره الوحيده اللي اتكلم فيها عن بعض تفاصيل العلا.قه خاصه بداياتها وانفصالهم كانت في تحقيق مع الشرطة حول الملابسات المحيطة بوفاتها في 1997. التحقيق أعيد فتحه تاني في 2004 بعد ضغوط من محمد الفايد ومن الرأي العام وعُرف بإسم Operation Paget.
شمل التحقيق استجواب حوالي 276 من المقربين من ديانا واتسجلت شهاداتهم في 6 آلاف صفحة. شهادة حسنات أو أجزاء منها اتسربت للميديا في 2008 ولحد انهارده هي دي المرة الوحيدة اللي اتكلم فيها عن العلا.قة بأي شكل.
ديما كان عندي شعور خفي انه هيتكلم في يوم من الايام. هيجي وقت وهيقرفنا بالتفاصيل عشان يكسب الاضواء او يستفيد مادياً. أكيد هتيجي في طريقه صفقة مش هيقدر يقاومها وتخليه يكس\ر صمته..
بس حسنات انهارده في أواخر الستينات من عمره ولسا مفتحش بؤه ويبدو أن نظرة الأميرة ديانا له كانت في محلها.
واحده من صحباتها قالت انها سألتها مره: “انتي ليه بتحبيه كل دا؟”. فأجابت الاميرة بهيام المراهقة: “هوا الشخص الوحيد فالعالم اللي أنا واثقه انه عمره ما هيبعني”.
